مجموعة سعودي القانونية بيت الخبرة القانونية المتكاملة
تحت شعار “سلم نفسك”.. “طريق الثورة ” تدعو لوقفة بالترينج الأبيض أمام محكمة عابدين اليوم
أعلنت جبهة طريق الثورة بما تضمه من نشطاء مستقلين وحركات ثورية عن تنظيمها وقفة تضامنية بالترينج الأبيض فى الحادية عشرة من صباح اليوم السبت أمام محكمة عابدين تضامنًا مع معتقلى أحداث “الشورى” الثلاثاء الماضى، مطالبة المشاركين بتسليم أنفسهم للنيابة.
وقالت الجبهة فى بيان لها مساء أمس “انزل تضامن والبس ترينج أبيض عشان نقولهم إننا مستعدين نسلم نفسنا بس مش هنتكسر بقانون بيقمع ويمنع التظاهر.. مش هنسيب حق إخواتنا المعتقلين اللى تم تعذيبهم وإهانتهم لمجرد إنهم شاركوا فى مظاهرة ترفض مادة المحاكمات العسكرية من الدستور فى وقفة أمام مجلس الشورى”.
وأضافت مخاطبة السلطة: “لو شايفين الحل إنكوا تقبضوا على كل اللى بيتظاهر وتحولوا البلد لـ سجن كبير؛ هنفوت عليكوا الفرصة وهنيجى لحد عندكوا نقدم نفسنا بتهمة الانتماء للثورة بكرة السبت”.
