رسالة من شهيد الى قاتله ـ في ذكرى محمد محمود ـ شعر | ابراهيم عبدالعزيز سعودي

في ذكرى محمد محمود :

رسالة من شهيد الى قاتله 

شعر | ابراهيم عبدالعزيز سعودي

ابراهيم-سعودي-2

شايف ؟
الدم مغرق وشك
ياللي قتلت الناس
برصاص قناص
والدم مغطي ايديك
ياللي ضميرك مات
وأخد وياه الاحساس
والدم مطرطش على دقنك
ياللي باسم الرب
بتقتل نفس بريئة
اهو نفسك تقتل وخلاص
******
القتل العمد مبيفرقش
بين يد جبانة
ف ايدها رصاص
وضمير مسئول
مات وانداس
وسواء القتل
باهمالك
وغباوتك
أو بأوامرك
للحراس
وسواء شماعتك
خيبتك
هيبتك
دينك
فانت القاتل
قدام الناس
مهما تغير لونك
مهما تبدل شكلك
مهما تضيف لملامحك
فالناس عارفينك
كاشفينك
ولا حد مسامحك
ولا هيسامحك
ولا حد هيقدر يوم
ويسامح في الدم
ولا هيشيل الهم
عن أب وأم
عن طفل صغير
حاله يغم
الا اما يشوفك
تحت الرجلين
منداس
وده كله لأن
الدم مغرق وشك
ياللي قتلت الناس

ططط

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *