النقيب والنقابة بقلم الشاعر الأستاذ / سيد عربي المحامي

النقيب والنقابة بقلم الشاعر الأستاذ / سيد عربي المحامي

النقيب قال للنقابة

أنت ماما وانت بابا

والآضيش الديابه

مجدوه .. عظموه

شهيصونى و بهدلوني

وبكرمهم عذبونى

قصدهم والنيه واضحه

يا حبايب دلعوه

النقيب عايش لحاله

همه كرسى وهمه ماله

مش مهم اللى جرى لنا

المهم جناب ابوه

النقيب أبو قلب صافى

جه يكوش أصله حافى

قام لبس طرحه وعوافى

ع اللى بيقول اعذروه

النقيب ضيع حقوقي

قال على ماركه سوقى

ابن سبعه ولا تسعه

النقيب ماسك في طوقي

النقيب عايش فى غابه

جاي دايس ع الغلابه

نفسنا في نقيب شبهنا

مش نقيب زي الديابه

فيها ايه لو أقول كرامتى

جاي ليه وبترضى صمتى

دا أنت لو ترفع فى هامتى

ها تعاملنى وكيل نيابه

قصيدة رائعة للشاعر المحامي
سيد عربي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *