مجموعة سعودي القانونية بيت الخبرة القانونية المتكاملة
الشعراء يتبعهم الغاوون
وانا غاوى اكون انسان
اكون صورة من الأحلام
واكون راهب وصومعته
من الكلمات
فأنا شاعر لكنى
غير شاعر بمأساتك
تحبينى فأنساكى
وتنسينى فحب قصايدى
من تانى
وتدور بيا أشعارى
على المتاهات
وترمينى فوسط الموج
وانا معرفش فن العوم
وقبل ما أموت تقومى انتى
تمديلى يد العون
وبعد ما افوق اقوم سايبك
وراجع لأشعارى تانى وللموج
لانى فالحقيقه غاوى
وعارف من غير ما تقوليها
بكلام قليل او كتير
قد ايه انا لو هجرت الشعر
هكون أنسان جميل
أنسان مفيش اتنين ف وصفه
وبرده عارف قد ايه كانت قصايدى
سبب فخسارتى ناس وحاجات كتير
لكنى هفضل أسير
للحلم والكلمة
وللصورة والانسان
ولبكرة اللى جاى
طاير على جناحين
من الوحده
ولانى اخترت
اكون شاعر
فأنا راضى اموت
ما بين قضبين
من المثاليه والاحلام
والنضال على فكرة
على كلمة
فوسط السطر
على نقطة وهمزة وصل
مابين أمس وما بين بكرة
ما بين دواوينى والاشعار
ودا مش جبر .. دا أختيار